नाक

— पञ्च विस्मृत
✍By Pancha Vismrit


म सानो छँदा छिमेकीले मेरो नाक हेरेर नाक राजा भन्थे रे । ठूलो भएपछि आमाले त्यो कुरा सुनाउनु भयो । र, एकदिन ऐनाअघि उभिएर आफ्नो नाकलाई खुब हेरेँ । मेरो नाक तलतिर अनौठोगरि फुकेको थियो भने माथितिर सुकेको थियो । र, बीचमा नराम्ररी भाँच्चिएको थियो । सिधा हेर्दा मेरै बारीमा फलेको खराने रङ्गको बैगुन जस्तो देखिन्थ्यो मेरो नाक । अझ त्यसको पीँधमा किराले खाएर दुईटा दुलो परेको जस्तो ! वास्तवमै आफ्नो त्यस्तो सुन्दर नाक देखेर दङ्गदास भएँ । हो, वास्तवमा नाक राजा यस्तै नाक भएको मान्छेलाई भन्नु पर्छ, मनमनै नाकको बारेमा धारणा बनाएँ । मेरो परिवारमा मै एक रहेछु– नाक राजा ।

तर त्यो धारणा चाँडै नै उँधोमुन्टो भएर लड्यो– जब गाउँ छोडेर बजार निक्लेँ । त्यहाँ केही फरक प्रकारका नाकहरुको बजार लाग्दो रहेछ । नाकहरुको पनि विभिन्न आकार प्रकार र रङ्ग हुँदा रहेछन् । र, त्यो नाकमा भाषा, धर्म, संस्कृति र माटो टाँस्सिएर बस्दो रहेछ । वास्तवमा गाँठे ! मान्छेको नाक त चुच्चो, थेप्चो, कुभिण्डो जस्तो, घिरौला जस्तो, पकौडा जस्तो, मुला जस्तो, जस्तो पनि हुँदो रहेछ । हुँदाहुँदा संसारमा १४ खाले नाक पो हुन्छन् रे ! गुगल बाले भनेको ।

पहिले पहिले म अपरिचित मान्छेको आँखा पहिले हेर्थेँ, अब पहिले नाक र त्यसपछि मात्र आँखा हेर्ने थालेँ । एकदिन फर्केर मैले आफ्ना साथीहरुको लहरलाई हेरेँ । मेरा साथीहरु सबैको नाक मेरो जस्तो राजा टाइपकै नभएपनि मेरोसित धेरै हदसम्म मिल्दोजुल्दो रहेछ । हामीले एउटा समूह नै बनाएका रहेछौँ । मेरा अर्का साथीहरुको अर्कै समूह थियो । र, तिनका नाक केही फरक प्रकारका थिए । तिनको नाक पहाडको नागबेली जस्तो चुच्चो–चुच्चो परेको थियो । केही भिरालो भएपनि तिनको नाकमा एक प्रकारको आकर्षण थियो । किताबदेखि लिएर टिभी–रेडियोले पनि तिनकै नाकको महिमागान गाउँदो रहेछ । यसले मेरो मनमा इर्ष्या भाव जगाउन पुग्यो । र, मैले आफ्नो समूहका साथीलाई टाटा गरिदिएँ, र मिस्सिएँ उत्तै– आफ्नो नाक केही सप्रिन्छ कि भनेर । फोटोशपले बनाएजस्तो हो र नाक, सपार्ने ? मैले नबुझेको कुरा ! लामो भयो भनेर न काटेर फाल्न मिल्ने, न त छोटो भयो भनेर टाल्न, जोड्न नै मिल्ने नाक ! तर जेहोस् म जुन समूहमा भएपनि मेरो दिमागमा एउटै कुरा खेलेको थियो– नाक ।

गर्लफ्रेण्ड ब्वायफ्रेण्डको मायामा पनि यो ठूलै बाधा भएर आउँछ अरे भन्ने सुनेको हो । हरेक नराम्रो कुराहरु नाकमा ठोकिन आएको त मैले पनि कति देखेको हुँ, सुनेको हुँ । परिवारमा बुबाआमाले पनि चाहेका हुँदारहेछन् कि छोराछोरीले भविष्यमा आफ्नो घर–परिवारको नाक उच्च राखोस् । बैँशमा होस गुमाएर पनि नाकचाहिँ थाम्नू है भन्छन् । नाक काटिन हुन्न भन्छन् । गरिबले अर्काको दाँजोमा पुग्न नाक थाम्नु पर्छ भन्छन् । भनेपछि मीठो, नमीठो गन्ध सुँघ्न होस् चाहे इमान इज्जत थाम्न, नाकको ठूलो भूमिका हुने रहेछ । राजेश हमाल लामो नाक भएकै कारण हिरो र सुनिल थापा थेप्चो नाक भएकै कारण भिलेन भनेर भन्छन् मदन पुरस्कार बिजेता मुकारुङ । पृथ्वी नारायण शाहले किर्तीपुरमा तीन पल्ट युद्ध हारेको रिसमा नेवार समुदायको १७ धार्नी नाक–कान काटेको दाबी गर्छन् इतिहासकारहरु । नाकलाई नजिकबाट बुझेरै त होला पश्चिमतिर ‘रेड नोज डे’ भनेर नाक दिवश मनाइने गरेको । हरे ! यत्रो शरीरमा झुण्डिएको चिचिण्डो नाकको कति धेरै उत्तरदायित्त्व ? उत्तरदायित्त्व भएपछि महत्त्व त स्वत: बढ्ने नै भयो ।

उमेर बढ्दै गयो, फर्सी छिप्पिँदै गयो । एकदिन अचानक गल्लीदेखि चोकसम्म नाकको बाक्लै चर्चा शुरु भयो । टिभी, रेडियो, पत्रपत्रिकामा पनि नाककै चर्चा ! अझ सडककै ठप्प पारेर नाककै भाषण दिइरहेकाहरु समेत भेट्टिएपछि मैले यो नाकको चर्चा पछाडिको राज के रहेछ भनेर पत्ता लगाउन आफ्ना लिखुरे खुट्टा काँधमा राखेर दौडिन थालेँ । तर धेरै सङ्घर्षपछि पनि पत्ता लगाउन नसकेर हैरान भएँ । देशमा त नाककै आधारमा नाकतन्त्र समेत मागिसकिएको रहेछन् । यति कुरा थाहा पाउँदा अघिसम्म भार भएको मेरो नाक फुलेर सनई जत्रो भयो । मेरो नाकको पनि ‘पहिचान’ रहेछ भन्ने कुराले ढुक्क बनायो ।

नाकको बारेमा यति धेरै कुरा अध्ययन गरिसकेपछि अब नाकको बारेमै केही लेख्नु पर्यो भनेर कम्मर कसेको त अझै पनि कति बुझेको रहिनछु बाबै ! अग्लो भिरालो नाक मुन्तिरबाट राँन, होइसिन्छ, भनेसी आदि निक्लँदा रहेछन् । त्यही नाकको ठाउँमा थेप्चो आएर बस्यो भने त्यसको मुन्तिरबाट चाहिँ छुङ्ना, खायुङ्, गयुङ आदि निक्लँदो रहेछ । त्यही नाककै कारण कसैको गालामा रौँ नउम्रिएको हो कि भन्ने मेरो वैज्ञानिक मनको ठम्याइ छ । अझ नाककै कारण जाँडरक्सी चल्ने नचल्ने भएको त हैन ? देशमा जनता आजित छन् नाककै कारण । नाकाबन्दीमा नाक नआइदिएको भए शायद यति धेरै समस्या आउने थिएन कि ? यस्ता धेरै प्रश्नहरुले मेरो मनमा मनपरी पिङ खेले ।

वास्तवमा, घन्टाउकेमा झुण्डिएको कुभिन्डो नाक होस् चाहे मरञ्च्यासे चेहरा थेगिरहेको मूलाको नाक, नाक त आखिर नाक हो ! सिर्फ नाक हो !! तर पनि यसले सौन्दर्य–मापनदेखि समाजमा द्वन्द्व चर्काउने कामसम्मको भूमिका निर्वाह गरेको हुँदो रहेछ नि, भनेर बुझेपछि भने मान्छे दार्शनिक बन्दो रहेछ : जति धेरै नाकको चर्चा उति धेरै नाकको महत्त्व ! सबैलाई नाकले कल्याण गरुन् !


२७ जनवरी, २०१६, केएसए




Comments

Total Views

50,402

Please, leave a comment

Wikipedia

Search results

Banibuto Garna Nikleko Manis by Pancha Vismrit

गीत

गीत

कविताः हर्क साम्पाङ

स्वर : सुनिता थेगिम, सेमिहाङ सिङ्गक; अनुवाद : पञ्च विस्मृत

स्वर : सुनिता थेगिम, विकाश लिम्बू; गीत : हाङपाल आङबुहाङ; अनुवाद : पञ्च विस्मृत

स्वर : विकाश लिम्बू, गीत : हाङपाल आङबुहा, अनुवाद : पञ्च विस्मृत

कथाकार जीवन देवान गाउँलेको आवाजमा "एउटा अरपे गाउँमा"

प्रदर्शनीमा जिन्दगी । कविता । पञ्च विस्मृत

प्रवासी प्रवाहमा सहभागिता जनाउँदै

रेगिस्तानी दशैँ । कविता । पञ्च विस्मृत

ढुङ्गा हुँ म तिमी मलाई । गीत । पञ्च विस्मृत

A Poem by Pancha Vismrit, Translated by Hem Bishwakarma

Sagarmatha Sahitya Pratishthan Presents Pancha Vismrit

कोरोनाले छोडेर गएको दिन । कविता । पञ्च विस्मृत

Pancha Vismrit, Sketched by Krishna Marsani

आशाको रङ । कविता । पञ्च विस्मृत

काँडाको ओछ्यानबाट । कविता । पञ्च विस्मृत

Prakash Dipsali Writes

नेपालबन्द । कविता । पञ्च विस्मृत

प्रेम र राजनीति । कविता । पञ्च विस्मृत

आँधीवेहरीसँग जुध्ने । गीत । पञ्च विस्मृत

उमेर जसप्रति कहिल्यै नटुङ्गिने गुनासो छ । कविता । पञ्च विस्मृत

हजुरबा र समय । कविता । पञ्च विस्मृत

अग्रजहरु । कविता । पञ्च विस्मृत

याद २ । कविता । पञ्च विस्मृत

छिमेकीको हवेली देखेर । कविता । पञ्च विस्मृत

शब्दहरु । कविता । पञ्च विस्मृत

कहिले आउँने दिनभरि । गीत । पञ्च विस्मृत

परदेशिएर । कविता । पञ्च विस्मृत

Popular posts from this blog

तक्सङमा जन्मिएकी तक्सङ माइली

इतिहासको चाबी पानी पतिया

आमा, तिम्रो सम्झनामा

कति झरी बादल रूझेर आएँ । पञ्च विस्मृत । स्वरूपराज आचार्यको स्वरमा

Swaroopraj Acharya Live - Releasing a Song Written by Pancha Vismrit

समुद्र २ । कविता । पञ्च विस्मृत । सन्जीव राईको लाइभ वाचन

नेपालबन्द । कविता । पञ्च विस्मृत । हङकङबाट वज्रकुमार थुलुङ राईको लाइभ वाचन

फर्किँदैछु स्वदेश । गीत । पञ्च विस्मृत । विवेक दुलाल क्षेत्रीको लाइभ वाचन

प्रिय विगत । कविता । पञ्च विस्मृत

अलार्म । कविता । पञ्च विस्मृत । राम गोपाल आशुतोषको वाचन

बालक दुर्बासाको गनगन । कविता । पञ्च विस्मृत । राम गोपाल आशुतोषको वाचन

On Instagram

View this post on Instagram

Dedicated to those staying abroad

A post shared by Pancha Vismrit (@pancha.vismrit) on